Trans Adriatik Boru Kəməri (TAP) biometanı boru kəmərinə inteqrasiya etməyə hazırdır.
Finss.az xəbər verir ki, bunu İtaliya Enerji Sammitində TAP-ın icraçı direktoru Luka Şieppati deyib.
“Biz boru materiallarının hidrogen daşınmasına müqavimətini yoxlamaq üçün sınaqdan keçiririk. Bundan əlavə, biz qarışıqlarda hidrogenin daşınması üçün avadanlıq və sistemlərin uyğunluğunu qiymətləndiririk. O ki qaldı biometana, biz onu öz boru kəmərimizə inteqrasiya etməyə hazırıq”.
Schieppati qeyd edib ki, Karbon İdarəetmə Planı (2022-2025) çərçivəsində TAP artıq CO₂ emissiyalarını 30 faiz, metan 53 faiz və qaçaq emissiyaları 70 faiz azaldıb.
Qeyd edək ki, Cənub Qaz Dəhlizinin Avropa hissəsi olan Trans-Adriatik Boru Kəməri hər il İtaliyaya səkkiz milyard kubmetr, Yunanıstan və Bolqarıstana isə bir milyard kubmetr qaz verir.
Kaira Agayeva
Finss.az