Almaniyada Yaşıllar Partiyasının rəhbərliyi bütövlükdə istefa vermək qərarına gəlib.
Finss.az xəbər verir ki, indi siyasi birliyə Rikarda Lanq və Omid Nuripur rəhbərlik edir. Onlar 2022-ci ilin fevralında partiyanın həmsədrləri seçiliblər.
Bu barədə bu gün axşam saatlarında keçiriləcək mətbuat konfransında rəsmi məlumat veriləcəyi bildirilir. Siyasətçilərin də istefa səbəblərini açıqlaması gözlənilir.
Sentyabrın 22-də Brandenburqda regional parlamentə seçkilər keçirilib. Səsvermənin nəticələrinə əsasən, Almaniya Sosial Demokrat Partiyası (30,9%) qalib gəlib. İkinci və üçüncü yerləri müvafiq olaraq “Almaniya üçün Alternativ” və “Sarah Vaqenknextin Ağıl və Ədalət İttifaqı” partiyaları tutub. Eyni zamanda 2021-ci ildə Almaniya Sosial Demokrat Partiyası ilə birlikdə federal hökuməti formalaşdıran Yaşıllar və Almaniya Azad Demokrat Partiyası 5%-lik baryeri aşa bilməyib.
Kaira Agayeva
Finss.az