Finss.az xəbər verir ki, İsrailin Livanın cənubundakı məskunlaşan ərazilərə endirdiyi aviazərbələr nəticəsində ölənlərin sayı 274 nəfərə çatıb, yaralananların sayı isə 1 min nəfərdən çoxdur. Bu barədə “Asharq Al-Awsat” qəzeti Livanın Səhiyyə Nazirliyinə istinadən məlumat yayıb.

Hər iki tərəfin artan hücumları ilə müşayiət olunan münaqişənin gərginləşməsi sentyabrın 17 və 18-də Livanda rabitə cihazlarının silsilə partlayışlarından sonra başlayıb. Onlarla insan öldü, 3 minə yaxın insan yaralandı. Tezliklə İsrail Beyrutun cənub ətraflarında yaşayış binasına hava hücumu həyata keçirdi və nəticədə Hizbullahın xüsusi əməliyyatlar komandiri İbrahim Aqil də daxil olmaqla 50-dən çox adam həlak oldu. Buna cavab olaraq şiə döyüşçüləri İsrailin Ramat David aviabazasına və Hayfanın şimalındakı Rafael müdafiə zavoduna hücum ediblər.

Kaira Agayeva 

Finss.az