ABŞ-ın vitse-prezidenti Kamala Harris (Demokratik Partiya) noyabrda keçiriləcək prezident seçkilərində qalib gəlsə, dünya siyasətinə Amerika administrasiyasının hazırkı rəhbəri Co Baydendən daha çox xaos gətirəcək.

Fins.az xəbər verir ki, bunu CNN telekanalına müsahibəsində senator Tom Kotton (Arkanzasdan olan respublikaçı) deyib.

"Senatın Kəşfiyyat Komitəsinin üzvü kimi mən dörd ildir ki, Kamala Harrisi yaxından izləyirəm. Amerika vətəndaşlarının bu həftə gördükləri onun Amerikanı daha az təhlükəsiz etmək və dünyanı daha xaotik etmək üçün atacağı addımların kiçik bir nümunəsidir”.

Senatorun sözlərinə görə, Harris ABŞ qoşunlarının Əfqanıstandan çıxarılması da daxil olmaqla, Bayden administrasiyası tərəfindən qəbul edilən ən pis qərarların çoxunda iştirak edib.

Kotton həmçinin vitse-prezidentin İsrail-Fələstin münaqişəsi ilə bağlı mövqeyini qeyri-qənaətbəxş hesab edib.