Avropa Mərkəzi Bankının (AMB) İdarə Heyətinin üzvü və İtaliya Bankının rəhbəri Fabio Panetta Avrozonada uzunmüddətli iqtisadi durğunluq riskini dayandırmaq üçün AMB-ni faiz dərəcələrini vaxtında və kiçik miqyasda azaltmağa çağırış edib.

Fins.az xəbər verir ki, AMB, inflyasiyanın 2%-lik hədəfdən bir qədər yuxarı səviyyələrə qədər azalmasından sonra, iyun ayında borclanma xərclərini azaltmağa başlayacağını açıq şəkildə bildirmişdi. Bununla belə, investorlar tənzimləyici qurumun bu yolda davam etmək əzminə şübhə etməyə başladılar.

Panetta AMB-nin konfransında çıxışında vaxtında tədbir görülməsinin vacibliyinə diqqət çəkib.

"Kiçik miqyaslı faiz endirimləri zəif tələbi qarşılayacaq və inflyasiyada yuxarı yönlü şokların müşahidə olunması isə yumuşaq monetar siyasəti dayandıra bilər" - deyən Panetta, geniş miqyaslı faiz endirimlərinin Avropa Mərkəzi Bankının etibarına xələl gətirə biləcəyini əlavə edib.