Bazar faiz dərəcələrinin çox aşağı səviyyələrə qayıtmayacağına dair başqa bir proqnoz Harvard İqtisadiyyat professoru Kennet Roqoffdan gəldi.

Fins.az xəbər verir ki, Roqoffun sözlərinə görə, həm Co Bayden, həm də Donald Tramp administrasiyası dövründə ABŞ-ın borc səviyyəsi təhlükəli səviyyələrə yüksəlmək riski altındadır.

Bloomberg TV-yə "Vaşinqtonda borc səviyyəsinə ümumiyyətlə çox rahat bir yanaşma var" deyən Roqoffun sözlərinə görə, ultra aşağı faiz səviyyələrinin yaratdığı "pulsuz nahar" dövrü bitdi.

Keçmişdə BVF-nin baş iqtisadçısı olan Roqoff borc səviyyələrinin artmasının inflyasiya və faiz dərəcələrində dalğalanmalar yaradacağını və FED-ə siyasi təzyiqin artacağını proqnozlaşdırmışdı. Digər tərəfdən, Tramp prezidentlik yarışında kabinetini formalaşdırmaq üçün hərəkətə keçdi.

Məsələ ilə tanış olan mənbələrə görə, Tramp hedcinq fondunun təsisçisi və meneceri Con Paulsonu Xəzinədarlıq katibi təyin etmək ideyasını irəli sürüb.

Günel Məlikzadə
Fins.az