Çin administrasiyası illik artım hədəfini 5 faiz civarında müəyyənləşdirib və daşınmaz əmlak bazarındakı çöküş və kök salmış deflyasiya ilə maneə olan ölkə iqtisadiyyatını dirçəltmək üçün daha çox stimulların elan ediləcəyi ilə bağlı gözləntiləri artırıb.

Fins.az xəbər verir ki, Pekin həmçinin işsizliyi 2024-cü ildə təxminən 5,5 faiz səviyyəsində saxlamağı və şəhərlərdə 12 milyon yeni iş yeri yaratmağı hədəfləyir. 2024-cü il üçün istehlakçı inflyasiya hədəfi keçən illə eyni səviyyədə təxminən 3 faiz səviyyəsində müəyyən edilib. Bu gün 14-cü Ümumçin Xalq Nümayəndələri Konqresinin açılışında iş hesabatını təqdim edən Çinin Baş naziri Li Qiang deyib: “Bu məqsədlərə nail olmaq bizim üçün asan deyil. “Bizə bütün cəbhələrdən siyasət dəstəyi və birgə səylər lazımdır".

Keçmiş Pentaqon rəsmisi və Sinqapurdakı Lee Kuan Yu adına İctimai Siyasət Məktəbinin baş elmi işçisi Drew Thompson, "Pekin etimadı artırmaq və aşağıya doğru iqtisadi spiralı yavaşlatmaq üçün status-kvonun böyümə hədəfi təyin etdi" dedi. "İstehlakçıya yönəlmiş əsas təşviqlər və ya bazarın liberallaşdırılması siyasəti olmadan, Çindəki xarici bizneslər çətinliklərlə üzləşməyə davam edəcək" deyə əlavə etdi.

Çin administrasiyası 2023-cü il üçün 5 faizlik artım hədəfini açıqlayıb və faktiki artım tempi 5,2 faizlə hədəfi keçib.

Günel Məlikzadə
Fins.az