Böyük Britaniyanın ən qədim müstəqil iqtisadi tədqiqat institutu olan Milli İqtisadi və Sosial Tədqiqatlar İnstitutunun (NIESR) yeni araşdırmasına görə, institutun iqtisadçıları Britaniya iqtisadiyyatının ötən ilin ikinci yarısında tənəzzülə uğrayacağını proqnozlaşdırır.

Fins.az xəbər verir ki, iqtisadiyyatın keçən il cəmi 0,3 faiz artdığı təxmin edilsə də, ölkədə iqtisadi artımın ortamüddətli perspektivdə zəif qalacağı gözlənilir.

Britaniya iqtisadiyyatının bu il 0,9 faiz artacağı təxmin edilir. Yaxın Şərqdəki geosiyasi gərginlik səbəbindən nəqliyyat xərclərinin və neft qiymətlərinin artması iqtisadi artım üçün aşağı, inflyasiya üçün isə yüksəlmə riski yaradır.

Aprel ayında ölkədə inflyasiyanın enerji qiymətlərinin aşağı düşməsi ilə əlaqədar olaraq İngiltərə Bankının (BoE) 2 faizlik hədəfindən aşağı düşərək 1,5 faizə düşəcəyi təxmin edilir.

İnflyasiyanın azalması səbəbindən BoE-nin may ayında faiz dərəcələrini azaltmağa başlaması mümkün olsa da, davam edən əsas inflyasiya, yüksək maaş artımları və geosiyasi gərginliklər səbəbiylə faiz endiriminin bazar gözləntilərindən daha yavaş olacağı gözlənilir.

Günel Məlikzadə
Fins.az