OECD “İnkişaf üçün əsasların gücləndirilməsi” mövzusu ilə hazırlanan İqtisadi Görünüş Aralıq Hesabatını açıqlayıb.

Fins.az xəbər verir ki, qlobal iqtisadi artım 2023-cü ildə dayanıqlılıq göstərdi və inflyasiya gözləniləndən daha sürətlə azaldı.

Ötən il qlobal iqtisadiyyat 3,1 faiz artıb. İl ərzində, o cümlədən dördüncü rübdə ABŞ-da artım xüsusilə güclü qalsa da, bir çox digər inkişaf etmiş ölkələrdə daha zəif olmuşdur ki, bu da enerji böhranının təsirlərini əks etdirir.

Ötən il iqtisadi artım G20 ölkələrində 3,3 faiz, ABŞ-da isə 2,5 faiz olub.

Avrozonada artım 0,5 faiz olduğu halda, Avropanın ən böyük iqtisadiyyatı Almaniyada 0,1 faiz azalıb. 2023-cü ildə iqtisadi artım İngiltərədə 0,3 faiz, Fransada 0,9 faiz, Çində 5,2 faiz, Hindistanda 6,7 ​​faiz, Türkiyədə isə 4,1 faiz olub.

Ötən il Braziliya iqtisadiyyatı 3,1 faiz, Yaponiya iqtisadiyyatı 1,9 faiz, Rusiya iqtisadiyyatı isə 3,1 faiz artıb, Səudiyyə Ərəbistanı iqtisadiyyatı isə 0,9 faiz azalıb.

Günel Məlikzadə
Fins.az