ABŞ-ın Florida ştatının Respublikaçı qubernatoru Ron DeSantis dünəndən etibarən 2024-cü ilin noyabrında keçiriləcək prezident seçkilərində iştirakdan imtina etmək qərarına gəlib.

Fins.az Bloomberg-ə istinadən xəbər verir ki, Respublikaçılar Partiyasının namizədi olmaq üçün mübarizə aparacaq cəmi iki ad qalıb: ABŞ-ın keçmiş prezidenti Donald Tramp və ABŞ-ın BMT-dəki keçmiş səfiri və Cənubi Karolinanın keçmiş qubernatoru Nikki Heyli. Nyu-Hempşirdə keçiriləcək praymerizlərə iki gün qalmış namizədliyindən geri çəkilmək qərarına gəldiyini açıqlayan DeSantis, Respublikaçılar Partiyasının namizədi kim olursa olsun, dəstəkləyəcəyini, lakin Trampın Heyli və hazırkı Demokrat prezident Co Baydendən daha yaxşı seçim olacağını düşündüyünü söylədi.

CNN və Nyu-Hempşir Universitetinin yeni sorğusu DeSantis-in ştatda Respublikaçıların cəmi 6 faizini, Trampın isə 50 faiz, Heylinin isə 39 faiz səs topladığını göstərib.

Bloomberg News tərəfindən görülən dəvətə əsasən, Wall Street milyarderləri Stanley Druckenmiller, Henry Kravis, Ken Langone və Cliff Asness yanvarın 30-da Nyu-Yorkda Nikki Haley-nin prezidentlik kampaniyası üçün ianə toplama mərasimi keçirməyə hazırlaşır.

Günel Məlikzadə
Fins.az