Birləşmiş Millətlər Təşkilatı (BMT) İsrailin oktyabrın 7-dən bu yana Qəzza zolağına etdiyi hücumlarla 2,3 milyon insanın 1,9 milyonunu didərgin saldığını açıqlayıb.

HƏMAS-ın silahlı qanadı İzzəddin əl-Qəssam Briqadaları 7 oktyabr 2023-cü il tarixində “Məscidül-Əqsa başda olmaqla fələstinlilərə və müqəddəs dəyərlərə qarşı davamlı pozuntulara cavab vermək” səbəbi ilə İsrailə hərtərəfli hücuma keçdi. "

Fins.az xarici KİV-ə istinadən xəbər verir ki, İsrail oktyabrın 7-də baş verən hücumlarda 1200 israillinin öldüyünü, 5132 nəfərin yaralandığını açıqlayıb.

İsrailin Qəzza zolağına təşkil etdiyi hücumlarda ən azı 10 mini uşaq və 7 mini qadın olmaqla 22 min 835 fələstinli həyatını itirib. Dağıntılar altında minlərlə ölü olduğu bildirilərkən, insanların sığındığı xəstəxanalar və təhsil müəssisələri hədəf alınaraq mülki infrastruktur məhv edilir.

İsrail ordusu Qəzza zolağına hücumların başladığı 7 oktyabrdan bu yana 176-sı quru işğalı prosesində olmaqla 510 əsgərinin öldürüldüyünü açıqlayıb.

24 noyabr 2023-cü ildə 4 gün müddətinə verilən və daha sonra daha 3 gün uzadılan qarşıdurmada "humanitar fasilə" zamanı 81 israilli və 240 fələstinli məhbus qarşılıqlı olaraq azad edilib. Digər tərəfdən, İsrail minlərlə fələstinlini saxlamağa və həbs etməyə davam etdi.

İşğal altındakı İordan çayının qərb sahili və Qüdsdə 7 oktyabr 2023-cü ildən bu yana İsrail qüvvələrinin və qeyri-qanuni yəhudi məskunlaşanların hücumları nəticəsində 334 fələstinli həyatını itirib.

İsrail ordusu ilə Hizbullah arasında 8 oktyabr 2023-cü il tarixindən bu yana sərhəddə davam edən qarşıdurmalarda 28 Livanlı mülki vətəndaş, 152 Hizbullah üzvü, 5 İsrail vətəndaşı və 9 İsrail əsgəri həlak olub.

Günel Məlikzadə
Fins.az