ABŞ-da ilk dəfə işsizlik müavinəti üçün müraciət edənlərin sayı 18 Noyabrla bitən həftədə bazar gözləntilərinin altında 209 minə enib.

Fins.az Bloomberg-ə istinadən xəbər verir ki, ABŞ Əmək Departamenti işsizlik müavinəti müraciətləri ilə bağlı həftəlik məlumatları açıqlayıb.

Buna görə ölkədə ilk dəfə işsizlik müavinəti üçün müraciət edənlərin sayı 18 Noyabrda bitən həftədə bir əvvəlki həftəyə görə 24 min adam azalaraq 209 minə gerilədi.

Bazar gözləntilərinin altında olan işsizlik müraciətlərinin 227 min olması gözlənilirdi.

Əvvəlki həftəki işsizlik müavinəti müraciətləri məlumatları 231 mindən 233 minə revize edildi.

Keçən həftə etibarilə 4 həftəlik ortalama işsizlik müavinəti müraciətlərinin sayı bir əvvəlki həftəyə görə 750 azalaraq 220 minə gerilədi.

Davam edən işsizlik müavinəti müraciətlərinin sayı 11 Noyabrla bitən həftədə 22 min adam azalaraq 1 milyon 840 minə gerilədi.

Analitiklər bildiriblər ki, işsizlik müavinətlərinin kəskin azalması ABŞ-da məşğulluq bazarının yüksək faiz dərəcələrinə baxmayaraq dayanıqlı qalmasına işarədir.

Günel Məlikzadə
Fins.az