Özbəkistanda neft hasilatının artırılması üzrə dövlət proqramının icraçısı olan ölkənin ən iri neft-qaz şirkətlərindən biri sayılan “Saneg” 2021-ci ildən 2022-ci ilədək qaz hasilatını 3,5 dəfə artıra bilib (389 milyondan 1,4 milyard kubmetrədək).

Fins.az şirkətin mətbuat xidmətinə istinadən xəbər verir ki, “Saneg” 103 neft yatağından istifadə hüququna malikdir. 2019-cu ildə yataqların təhvil verilməsi zamanı neft hasilatının ümumi həcmi 378 min ton olub. 2022-ci ildə “Saneg” hasilatı 586 min tona çatdıra bilib.

Şirkətin 750 milyon dollardan çox məbləğdə əsas investisiyaları həm neft, həm də qaz sahələrinin inkişafına yönəlib.