ABŞ Maliyyə Nazirliyi cari ilin iyul-sentyabr və oktyabr-dekabr ayları üzrə borclanma təxminlərini açıqlayıb.

Fins.az "Bloomberg"ə istinadən xəbər verir ki, bu ilin üçüncü rübü üçün borclanma proqnozunu 1 trilyon 7 milyard dollara çatdırıb.

Açıqlamada, Xəzinədarlığın bu ilin üçüncü rübündə 1 trilyon 7 milyard dollar borc götürməsinin gözlənildiyi bildirilib. Bildirilib ki, sentyabrın sonunda nağd pul qalığı 650 milyard dollar, borclanma proqnozu isə may ayında açıqlanan proqnozdan 274 milyard dollar çox olub.

Xəzinədarlığın oktyabr-dekabr dövründə 852 milyard dollar borc alacağı, dekabrın sonunda isə nağd pul qalığının 750 milyard dollar olacağı bildirilib.

Açıqlamada Xəzinədarlığın aprel-iyun dövründə 657 milyard dollar borcu olduğu, rübün sonunda nağd pul qalığının 402 milyard dollar olduğu qeyd edilib.

Nazirlik may ayında paylaşılan proqnozda ilin ilk rübündə Xəzinədarlığın 726 milyard dollar borc alacağının, iyunun sonunda nağd pul qalığının isə 550 milyard dollar olacağını açıqlamışdı.

Zəminə Hüseyn
Fins.az