ABŞ yanvarın 19-da dövlət borcu maksimal həddə çatacaq və ölkənin qanunverici orqanı maksimal həddi artırmaq üçün təcili tədbirlər görməlidir.

Fins.Az Trend-ə istinadən bildirir ki, bu barədə ABŞ Maliyyə Naziri Canet Yellen cümə günü ABŞ Nümayəndələr Palatasının spikeri Kevin Makkartiyə göndərdiyi məktubda bildirib.

"Sizə məlumat vermək üçün yazıram ki, 19 yanvar 2023-cü il cümə axşamı günündən etibarən ABŞ-ın ödənilməmiş borcunun qanunla müəyyən edilmiş həddə çatması proqnozlaşdırılır. Mən hörmətlə Konqresi Birləşmiş Ştatların kredit təhlükəsizliyini qorumaq üçün tez hərəkət etməyə çağırıram", - deyə məktubda bildirilir.