Sabah saat 15:00-da Kremldə yeni ərazilərin Rusiyaya daxil olmasına dair sazişlər imzalanacaq.

Bunu Kremlin mətbuat katibi Dmitri Peskov bildirib.

“Sabah saat 15:00-da Kremlin Georgiyevsk zalında yeni ərazilərin Rusiya Federasiyasına daxil olmasına dair sazişlərin imzalanması baş tutacaq. Putinin çıxışı olacaq”, - Kremlin sözçüsü qeyd edib.

Xatırladaq ki, Rusiya Ukraynanın Donetsk, Luqansk, Zaporojye və Xerson regionlarında 23-27 sentyabr tarixlərində “referendum” təşkil edib. “Referendumlar”da bütün səslərin sayıldığı və seçicilərin böyük əksəriyyətinin Rusiyaya birləşməyə səs verdiyi bildirilib.