Rusiya prezidenti Vladimir Putin çərşənbə axşamı mövsümi tarla işlərinin gedişi ilə bağlı müşavirədə bildirib ki, kollektiv Qərb dünya ərzaq bazarında özünü "yırtıcı" kimi aparır.

O, dünya bazarında ərzağın qiymətinin ilin əvvəlindəki səviyyəsinə qayıtdığını, eyni zamanda 2020-ci illə müqayisədə 40% yüksək olduğunu bildirib.

Putin Ukraynadan taxıl ixracı ilə bağlı vəziyyəti “tam saxtakarlıq” adlandırıb.

"Ukraynadan ixrac edilən taxıl ən yoxsul ölkələrə getməməkdə davam edir. Sentyabrın 23-nə qədər 203 gəmidən yalnız 4-ü belə ölkələrə gedib",-  Putin deyib.

Rusiya prezidenti Vladimir Putin Qərbin dünyada ərzaq böhranı törətdiyi indiki şəraitdə ölkənin ərzaq təhlükəsizliyinin təmin edilməsi vəzifəsini qoyub.

"Qərb qlobal ərzaq böhranını təhrik edir. Bu şəraitdə kənd təsərrüfatının inkişaf strategiyamızın tərkib hissəsi kimi biz öz ərzaq təhlükəsizliyimizi təmin etməli, idxal mallarından, o cümlədən avadanlıq, texnika və toxumlardan asılılığımızı azaltmalıyıq", - dövlət başçısı bildirib. 

"Qlobal ərzaq böhranına görə məsuliyyət kollektiv Qərbin üzərinə düşür"

"Rusiya taxılının və gübrəsinin ixracına qarşı sanksiyalar qlobal ərzaq böhranını təhdid edir, buna görə məsuliyyət kollektiv Qərbin üzərinə düşür", Rusiya prezidenti Vladimir Putin iclasda deyib.

“Bizim taxılın və gübrələrin xaricə çatdırılmaması, təəssüf ki, hələ də bizim üçün deyil, dünya ərzaq bazarı üçün çətinlik yaradır”, - dövlət başçısı bildirib.

Onun sözlərinə görə, “Rusiyaya qarşı sanksiyalar vəziyyətin daha da pisləşməsinə səbəb olur, qlobal ərzaq böhranının dərinləşməsi təhlükəsi yaradır”. 

"Bunun Rusiyanın Donbassda keçirdiyi xüsusi hərbi əməliyyatla qətiyyən heç bir əlaqəsi yoxdur", - Putin vurğulayıb.