Bir neçə gün bundan öncə Los Ancelesdə keçirilmiş Code Conference adlı konfrans çərçivəsində böyük İT şirkətlərin əməkdaşları, mütəxəssislər və məmurlar TikTok-un, ABŞ-ın milli təhlükəsizliyinə zərər yetirə biləcəyi barəsində narahatlıq duyduqlarını dilə gətiriblər. 

"Fins.az" xəbər verir ki, Pew Research Center adlı tədqiqat mərkəzinin məlumatlarına əsasən TikTok aqressiv şəkildə Meta şirkətinin platformalarındakı cavan istifadəçiləri özünə tərəf çəkir. Bu ilin avqust ayına olmuş statistikalara əsasən TikTok ABŞ-ın yeniyetmə yaş kateqoriyasına daxil olan istifadəçiləri arasında Instagram və Snapchat-dan daha məşhur olub. Bundan əlavə olaraq koronavirus pandemiyası sayəsində TikTok həmçinin daha yuxarı yaş kateqoriyasına aid olan istifadəçiləri də əhatə edə bilib. Bunun fonunda İT sahəsinin bəzi təmsilçiləri və siyasi xadimlər TikTok-un sürətlə böyüməsinə dair narahatlıq duqduqlarını qeyd ediblər. Onların fikirlərinə əsasən sözügedən platforma ölkənin milli təhlükəsizliyinə zərər vura bilər.

 “Şirkətlərin ABŞ-da və bütün dünyada buna çətinliklə reaksiya vermələrinin səbəbi TikTok-a olan investisiyaların miqyası ilə bağlıdır. ByteDance şirkətinin ABŞ bazarına bu qədər investisiya yatıracağını ABŞ-da heç kim gözləmirdi. Şirkət həmçinin Avropa bazarına da külli miqdarda investisiyalar yatırır və bu, inanılmaz görünürdü. Çünki heç bir startap bütün dünyadan olan istifadəçilərin cəlb edilməsi üçün milyardlarla dollar investisiyalar yatıra bilməz” - deyə Evan Spiegel qeyd edib. Google şirkətinin CEO-su Sundar Pichai TikTok-u Youtube platformasının yeni və ən böyük rəqiblərindən biri adlandırıb. O, qeyd edib ki, texnoloji sahədə rəqabət çox intensivdir və TikTok da daxil olmaqla bəzi rəqib platformalar sanki birdən-birə ortaya çıxırlar. İT sahə üzrə antimonopoliya qanunvericiliyinin hazırlanmasına rəhbərlik edən ABŞ Demokratlar Partiyasının senatoru Amy Klobuchar TikTok barəsində daha sərt nizamlanmanın ola biləcəyi üzrə xəbərdarlıq edib.