TAV Hava Limanları Holdinq ilin ikinci rübündə 52,3 milyon avro mənfəət əldə etdiyini açıqlayıb. 2022-ci ilin ilk 6 ayını 31,3 milyon avro xalis mənfəətlə başa vuran şirkət həm dövriyyədə,həm də xalis mənfəətdə 2019-cu ildən daha böyük rəqəmlərə çatıb.

"Fins.az" xəbər verir ki, TAV Hava Limanları 2022-ci ilin ikinci rübü üzrə konsolidasiya edilmiş balans hesabatını İctimaiyyəti Məlumatlandırma Platformasına (KAP) təqdim edib.

TAV ilin ikinci rübündə 52,3 milyon avro mənfəət əldə etdiyini açıqlayıb. Xalis mənfəət (davam edən əməliyyatlar da daxil olmaqla əsas səhmdarlara düşən mənfəət) 2019-cu ilin ikinci rübü ilə müqayisədə 48 faiz artım göstərdi ki, bu da şirkətin sonuncu dəfə tam gücü ilə işlədiyi baza ili sayıla bilər. Beləliklə, TAV Hava Limanları Holdinq ilin ilk 6 ayını 31,3 milyon avro xalis mənfəətlə başa vurub. 

TAV, 2022-ci ilin ikinci rübündə dövriyyəsini əvvəlki ilin eyni dövrü ilə müqayisədə 175 faiz artıraraq 262,4 milyon Avro həcmində dövriyyəyə nail olub. Beləliklə, 6 aylıq ümumi dövriyyə 412 milyon avroya çatıb və 2021-ci ilin ilk 6 ayı ilə müqayisədə 164 faiz artıb.

Digər tərəfdən, şirkətin epidemiyadan əvvəl tam gücü ilə işlədiyi 2019-cu ilə nisbətən dövriyyə artımı, ikinci rübdə yüzdə 39, 6 aylıq məlumatda isə yüzdə 21 diqqət çəkdi. Almatı istisna olmaqla, dövriyyə 2019-cu illə müqayisədə 2022-ci ilin birinci yarısında 20 faiz, ikinci rübdə isə 12 faizdən az olub.

Şirkət sərnişin axınını 129 faiz artırıb
2022-ci ilin ilk 6 ayında sərnişinlərin sayı 2021-ci ilə nisbətən 129 faiz çox olub. Almatının əsas gəlir mənbəyi olan beynəlxalq uçuş trafiki 2022-ci ilin ikinci rübündə pandemiyadan əvvəlki səviyyəyə çata bilib. Beynəlxalq sərnişin gəlirləri ilə müqayisədə dövriyyəyə daha az töhfə verən daxili sərnişin gəlirləri daxili xətt tavan bilet qiyməti tətbiqindən mənfi təsirlənib.