Lüksemburq Ukraynaya 250 milyon avro yardım ayırıb.

Bu barədə Ukrayna prezidenti Volodimir Zelenski “Twitter” hesabında məlumat verib.

“Ölkənin böyüklüyünü onun hərəkətləri sübut edir. Mən Lüksemburqun baş naziri Xavier Bettel ilə danışdım. Humanitar vəziyyət barədə məlumat verdim. 250 milyon avroluq yardıma, sanksiyalar siyasətindəki liderliyinə, ukraynalı qaçqınlara dəstək üçün təşəkkür etdim”, - Zelenski qeyd edib.

Həmçinin, prezidentin sözlərinə görə, o, Bettellə Ukraynanın Aİ yolunda növbəti addımlarını müzakirə edib.