Çin bu il neft və qaz yataqlarının kəşfiyyatını gücləndirmək niyyətindədir.

"Fins.az"xəbər verir ki, bu müddəa 13-cü Ümumçin Xalq Nümayəndələri Konqresinin (ali qanunverici orqan) beşinci sessiyasında şənbə günü açıqlanan hökumət hesabatında öz əksini tapıb.

Hesabatda bildilir ki, öz resurslarımızın hasilat potensialımızı yaratmaq, neft, qaz, faydalı qazıntılar və digər təbii ehtiyatların kəşfiyyatını və işlənməsini intensivləşdirmək, dövlət strateji ehtiyatları sistemini təkmilləşdirmək və ilkin məhsulların tədarükünü təmin etmək lazımdır.

2021-ci ilin sonunda Çində neft hasilatı 2,4% artaraq 198,98 milyon tona, təbii qaz hasilatı 8,2% artaraq 205,3 milyard kubmetrə çatıb. Çin Milli Statistika Bürosunun məlumatına görə, ölkə ötən il 512,98 milyon ton neft idxal edib ki, bu da illik müqayisədə 5,4% azalıb. Təbii qaz idxalı 19,9% artaraq 121,36 milyon tona çatıb.