Çirkli pulların yuyulması və terrorçuluğun maliyyələşdirilməsinin qarşısının alınmasında yol verdiyi çatışmazlıqlara görə Birləşmiş Ərəb Əmirliklərinin (BƏƏ) boz siyahıya salınması gündəmdədir.
"Fins.az"xəbər verir ki, məsələ barədə  mənbələr bildiriblər ki, Birləşmiş Ərəb Əmirlikləri qeyri-qanuni maliyyə gəlirləri ilə mübarizədə heç bir irəliləyiş əldə etmədiyi üçün boz siyahıya salınacaq.

Parisdə yerləşən Maliyyə Fəaliyyəti İşçi Qrupunun (FATF) üç rəsmisi BƏƏ-nin yoxlama prosesində kifayət qədər yaxşı performans göstərmədiyini, ona görə də əlavə nəzarətə məruz qalacağını bildirib.

Bildirilib ki, qurum yekun qərar üçün danışıqlar aparır və qərar bu gün ərzində açıqlanacaq. BƏƏ qərardan sonra açıqlama verəcəyini açıqlayıb.BƏƏ-nin boz siyahıya salınması maliyyə bazarlarında  böyüyən və daha çox investisiya cəlb etmək üçün addımlar atan Səudiyyə Ərəbistanına başqa ölkələrlə rəqabət aparmaqda üçün çətinlik yarada bilər.