Çin, Daxili Monqolustanda bərpa olunan enerjidən istifadə edərək hər il 66,900 ton yaşıl hidrogen istehsal edəcək bir zavodun qurulmasını nəzərdə tutan layihəni təsdiqləyib.

Fins.az xəbər verir ki,bu miqdarda yaşıl hidrogen istehsal etmək üçün zavodun dünya dada istifadə edilən bütün elektrolizatorlardan daha çox ehtiyacı var.
Çin, Daxili Monqolustan bölgəsində günəş və külək enerjisi istehsal edəcək böyük bir yaşıl hidrogen zavodunun inşasına icazə verib. Qurğu ildə 1.85 giqavat günəş enerjisi və 370 meqavat külək enerjisi ilə 66.900 ton yaşıl hidrogen istehsal edəcək. Layihənin oktyabr ayında başlayacağı və 2021-ci ilin ortalarında istifadəyə veriləcəyi planlaşdırılır.

Bloomberg NEF analitiki Xiaoting Wang-a görə, burada istehsal olunan hidrogen miqdarı illik 180 milyon galon benzinin istifadəsini kompensasiya edə bilər. Lakin Çinin sürətlə inkişaf edən hidrogen sənayesində yanacağın necə saxlanılması və istifadəsi ilə bağlı problemlər var.

Daxili Monqolustanda qurulacaq qurğularla, istehsal olunan elektrik enerjisinin 20 %-dən azının şəbəkəyə verilməsi, qalanının isə tamamilə hidrogen istehsalı üçün istifadə ediləcəyi gözlənilir. Çində bərpa olunan enerji və hidrogen istehsalı ilə bağlı əksər layihələrin əsas məqsədi əslində elektrik istehsalını artırmaqdır. 

Müəllif:Aynur Qəniyeva