Daşınmaz əmlak üzrə məsləhət xidmətləri göstərən "Knight Frank" şirkəti tərəfindən hazırlanan qlobal daşınmaz əmlak qiymətləri indeksi Mart ayının sonu etibarı ilə 12 aylıq müddətdə 7,3% artıb.

Fins.az xəbər verir ki, qlobal daşınmaz əmlak qiymətlərindəki bu artım 2006-cı ilin son rübündən bu yana (son 15 ilin) ən yüksək səviyyə olaraq qeydə alınıb. Bu vəziyyət 2008-ci qlobal maliyyə böhranının səbəblərindən biri olan olan daşınmaz əmlak sektorundakı "istiləşməni" yada salıb.

Daşınmz əmlak qiymətləri ən çox artan ölkə Türkiyə olub. Bu dövrdə Türkiyədə daşınmaz əmlak qiymətləri 32% artıb. Türkiyəni ardınca 22,1% artımla Yeni Zelandiya, 16,6% artımla Lüksemburq gəlir.

ABŞ-da daşınmaz əmlak qiymətləri eyni dövrdə 13,2% artaraq 2005-ci ildən bu yana ən sürətli artım olaraq qeydə alınıb.

Asiyada ən böyük qiymət artımı 6,1% ilə Sinqapurda baş verib. Ən bahalı daşınmaz əmlak bazarı Honq Konqda 2,1% qiymət artımı görülüb. 

"Knight Frank" indeksi 56 ölkə və bölgənin qiymətləri ilə əldə edilir.