Finss.az - Beynəlxalq Valyuta Fondu (BVF) 2025-ci il üçün Azərbaycandakı işsizlik səviyyəsinin 2024-cü ildəki 5,4 faizdən 5,3 faizə qədər azalma proqnozunu verib.

Qurumun məlumatına görə, ölkəmizdə işsizlik göstəricisi növbəti ildə 5,3 faiz səviyyəsində qalacaq.

Azərbaycan Dövlət Statistika Komitəsinin məlumatına görə, 2025-ci il martın 1-i vəziyyətinə ölkə iqtisadiyyatında muzdla çalışan işçilərin sayı 1 milyon 758,8 min nəfər olub. Bu rəqəmin 878,5 min nəfəri dövlət sektorunda, 880,3 min nəfəri isə qeyri-dövlət sektorunda fəaliyyət göstərib. Muzdla işləyənlərin ən çox olduğu sahələr arasında təhsil (18,7%), ticarət və nəqliyyat vasitələrinin təmiri (18,6%) önə çıxır. Eyni zamanda, sənaye sahəsi 13,7%, səhiyyə və sosial xidmətlər isə 8,5 faizini təşkil edir.

Bu məlumatlar, ölkə iqtisadiyyatının müxtəlif sahələrindəki inkişafı və işsizlik səviyyəsinin gələcəkdə necə formalaşacağı barədə daha geniş bir perspektiv təqdim edir.