Cəmiyyət

02 Aprel

“Yurd FM”-n yeni layihəsi

Finss.az - Aprelin 3-də Mədəniyyət Nazirliyi və “Yurd FM” radiosunun birgə təşkilatçılığı ilə “Mədəni yurdumuz” adlı veriliş ictimaiyyətə təqdim ediləcək.
Yeni layihədə müxtəlif tarixi dövrlərlə yanaşı, çağımızın da mədəni dəyərlərindən bəhs ediləcək, ölkəmizin mədəni mühitində gedən proses və yeniliklər dinləyicilərin diqqətinə  çatdırılacaq.

Verilişi hər həftənin cümə axşamı saat 17:00-da “Yurd FM”-də dinləyə bilərsiniz. Verilişdə eyni zamanda yaxın günlərdə nəzərdə tutulan mədəni tədbirlərin afişaları, maraqlı mədəniyyət xəbərləri və müsahibələr də təqdim ediləcək.