Finss.az - Qafqaz Müsəlmanları İdarəsi (QMİ) 2025-ci il üçün Həcc ziyarətinə getmək istəyən Azərbaycanlı zəvvarlar üçün ziyarət paketinin qiymətini 5950 ABŞ dolları olaraq təyin edib. Ziyarət hava nəqliyyatı ilə vahid formada təşkil ediləcək.
Zəvvarlardan tələb olunan sənədlər:
- Ümumvətəndaş pasportu (ən azı 1 il etibarlı);
- Şəxsiyyət vəsiqəsinin surəti;
- 5 sm × 5 sm ölçüdə 2 ədəd ağ fonda rəngli fotoşəkil (qadınlar tünd hicabda);
- Sağlamlıq haqqında arayış.
Sənədlər 21 yanvar 2025-ci ildən etibarən iş günləri saat 10:00-dan 16:00-a kimi Bakı şəhəri, Mirzə Fətəli küçəsi 7 ünvanında yerləşən QMİ-nin inzibati binasında qəbul ediləcək.