2025-ci ildə Azərbaycanda qaz kondensatı hasilatı 4,912 milyon ton təşkil edib.

Finss.az Dövlət Statistika Komitəsinin məlumatına əsasən xəbər verir ki, bu, 2024-cü ilin göstəricisi ilə müqayisədə 373 min ton və ya 7,1% azdır.

Hesabat ilində ümumi neft hasilatında kondensatın payı 17,7%, neftin payı isə 82,3% (22,768 milyon ton) olub.

Azərbaycan Energetika Nazirliyinin məlumatına görə, 2025-ci ildə ölkədə qaz kondensatı daxil olmaqla ümumi neft hasilatı 27,7 milyon ton təşkil edib. Bu həcmdən:

• 16,2 milyon ton “Azəri–Çıraq–Günəşli” (AÇG) yatağının,
• 3,8 milyon ton “Şahdəniz”in,
• 0,6 milyon ton “Abşeron” yatağının,
• 7,1 milyon ton isə Azərbaycan Dövlət Neft Şirkətinin (SOCAR) payına düşüb.

Hesabat dövründə qaz kondensatı daxil olmaqla 23,1 milyon ton neft ixrac olunub, bunun:

• 20 milyon tonu konsorsiumlar,
• 2,5 milyon tonu SOCAR,
• 0,6 milyon tonu JOCAP tərəfindən təmin edilib.

Fuad Mədətov
Finss.az