2026-cı ilin yanvarın 1-nə Azərbaycan Respublikası Dövlət Neft Fondunun (ARDNF) investisiya portfeli açıqlanıb.

ARDNF-dən Finss.az-a verilən məlumata görə, portfelin 38,2%-i qızıl, 25,9%-i Avropa, 23,9%-i Şimali Amerika, 8%-i Asiya, 1,4%-i Yaxın Şərq, 0,9%-i Yeni Zellandiya və Avstraliya, 0,1%-i Latın Amerika, 0,02%-i Afrika investisiyaları ilə formalaşıb.

ARDNF-in investisiya portfelində regional paylarda dəyişikliklər müşahidə olunub:

• Avropa: 25,9% (ötən il ilə müqayisədə −4,8 faiz bəndi)
• Şimali Amerika: 23,9% (−4,1 faiz bəndi)
• Asiya: 8% (−4,9 faiz bəndi)
• Yaxın Şərq: 1,4% (+0,8 faiz bəndi)
• Yeni Zellandiya / Avstraliya: 0,9% (+0,2 faiz bəndi)
• Latın Amerika: 0,1% (dəyişməz)
• Afrika: 0,02% (−0,02 faiz bəndi)

Məlumata görə, qızıl investisiyaları portfelin ən böyük payını təşkil edərək 38,2%-ə bərabər olub. Eyni zamanda, beynəlxalq maliyyə təşkilatlarına yatırılan pay isə 1,6% səviyyəsindədir.

Ekspertlər qeyd edirlər ki, Avropa və Şimali Amerika paylarındakı azalma qlobal bazar şərtləri və risk diversifikasiyası strategiyası ilə bağlıdır, Yaxın Şərq və Avstraliya paylarının artımı isə yeni investisiya imkanlarının nəzərə alınması ilə izah olunur.

Fuad Mədətov
Finss.az