2025-ci ildə Azərbaycan Respublikası Dövlət Neft Fondu (ARDNF) qızıl ehtiyatlarını 200 tona çatdırıb.

Bu barədə Finss.az-a ARDNF-dən məlumat verilib.

Məlumata görə, bu göstərici 2024-cü illə müqayisədə 53,4 ton və ya 36,4% artım deməkdir.

2025-ci ilin yanvarın 1-nə ARDNF-in investisiya portfelində qızılın xüsusi çəkisi 38,2% olub.

Fondun açıqlamasında bildirilir ki, mərkəzi bankların alışları, mövcud qeyri-müəyyənliklər və geosiyasi risklər fonunda qızıl qiymətləri il ərzində kifayət qədər artım göstərərək tarixi maksimum səviyyələrə çatıb. Bu isə ARDNF-nin qızıl altportfeli üzrə əhəmiyyətli büdcədənkənar gəlirlərin formalaşmasına səbəb olub.

Fuad Mədətov
Finss.az