Yaşayış və qeyri-yaşayış sahələrinə görə ödənilmiş ƏDV-nin 31 mln. manatdan çoxu vətəndaşlara qaytarılıb.

Bu barədə Finss.az-a İqtisadiyyat Nazirliyi yanında Dövlət Vergi Xidmətindən məlumata verilib.

Məlumata görə, Azərbaycan Respublikası ərazisində bina tikintisi ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş ƏDV-nin bir hissəsinin fiziki şəxs olan istehlakçılara qaytarılması ilə bağlı “ƏDV geri al” layihəsi uğurla davam etdirilir. 2025-ci il ərzində yaşayış və qeyri-yaşayış sahələrinin nağdsız qaydada alışı zamanı ödənilmiş ƏDV-nin müvəkkil banklar tərəfindən qaytarılmış həcmi 31 milyon 366,9 min manat təşkil edib.

Fuad Mədətov
Finss.az