2025-ci ilin yanvar–oktyabr ayları ərzində Azərbaycandan Gürcüstana təxminən 494 milyon kVt/saat elektrik enerjisi ixrac edilib.

Trend məlumatına görə, bu həcmdə elektrik enerjisindən əldə olunan gəlir 28,5 milyon ABŞ dolları təşkil edib.

Gürcüstana elektrik enerjisi ixracı ötən ilin müvafiq dövrü ilə müqayisədə həcm baxımından 642 milyon kVt/saat və ya 56,5%, dəyər ifadəsində isə 29,7 milyon ABŞ dolları və ya 51% azalma göstərib.

Eyni zamanda, 2025-ci ilin ilk 10 ayında Gürcüstandan Azərbaycana 3,3 milyon ABŞ dolları dəyərində 50 milyon kVt/saat elektrik enerjisi idxal olunub. Bu göstərici ötən ilin eyni dövrü ilə müqayisədə dəyər ifadəsində 549 min ABŞ dolları və ya 20,3% artım, həcm baxımından isə 8,4 milyon kVt/saat və ya 20,3% artım nümayiş etdirib.

Qeyd edək ki, 2025-ci ilin yanvar–oktyabr aylarında ümumilikdə Azərbaycandan dörd ölkəyə – Rusiya, Gürcüstan, İran və Türkiyə – 64,5 milyon ABŞ dolları dəyərində 1,128 milyard kVt/saat elektrik enerjisi ixrac olunub.

Hesabat dövründə, həmçinin Rusiya, Gürcüstan və İrandan Azərbaycana 6,6 milyon ABŞ dolları dəyərində 148,8 milyon kVt/saat elektrik enerjisi idxal edilib.

Fuad Mədətov
Finss.az