2025-ci ilin yanvar-oktyabr aylarında Türkiyə ərazisi üzrə Bakı-Tbilisi-Ceyhan (BTC) neft kəməri vasitəsilə 172,788 milyon barel neft nəql olunub.

Finss.az Türkiyənin BOTAŞ şirkətinə istinadən xəbər verir ki, bu göstərici 2024-cü ilin eyni dövrü ilə müqayisədə 6%-dan çox azdır, çünki ötən il eyni dövrdə 183,945 milyon barel neft nəql olunmuşdu.

Oktyabr ayında BTC vasitəsilə Türkiyə ərazisindən 16,601 milyon barel neft ötürülüb, ki, bu da 2024-cü ilin oktyabr ayı ilə müqayisədə 12,7% azdır (19,020 milyon barel).

Xatırladaq ki, 2024-cü ilin yekunlarına əsasən, Türkiyə ərazisi üzrə BTC kəməri vasitəsilə 224,14 milyon barel neft nəql edilmişdi.

BTC Co.-nun səhmdarları:

• bp (30,10%)
• SOCAR (32,97%)
• MOL (8,90%)
• TPAO (6,53%)
• Eni (5,00%)
• TotalEnergies (5,00%)
• ITOCHU (3,40%)
• ONGC Videsh (3,10%)
• ExxonMobil (2,50%)
• INPEX (2,50%)