2025-ci ilin yanvar-oktyabr aylarında dəmiryolu nəqliyyatı ilə 14,0 milyon ton yük və 8 265,6 min sərnişin daşınıb.

Finss.az Dövlət Statistika Komitəsinin məlumatına əsasən xəbər verir ki, ötən ilin eyni dövrü ilə müqayisədə yük daşınmasında 9,7% azalma, sərnişin daşınmasında isə 19,1% artım müşahidə olunub.

Eyni dövrdə dəniz nəqliyyatı ilə daşınmış yüklərin həcmi 7 724,7 min ton olub ki, bu da əvvəlki ilə nisbətən 7,8% artım deməkdir. Daşınan yüklərin 48,1%-i neft olub. Dəniz limanlarında 10 842,1 min ton həcmində yükləmə-boşaltma işləri həyata keçirilib, yüklərin 8 579,3 min tonunu (79,1%) tranzit yüklər təşkil edib.

2025-ci il noyabrın 1-i vəziyyətinə limanlarda qalan yüklərin həcmi 420,1 min ton olub. Dövr ərzində bu nəqliyyat növü ilə daşınmış sərnişinlərin sayı əvvəlki ilin müvafiq dövrü ilə müqayisədə 12,0% azalaraq 21,3 min nəfər təşkil edib.

Fuad Mədətov
Finss.az