Finss.az xəbər verir ki, Counterpoint Research analitik şirkətinin açıqladığı son hesabatda Apple Inc.-in Çindəki smartfon satışlarının 2025-ci ilin oktyabr ayında 37% artdığı bildirilir. Artımın əsas səbəbi şirkətin yeni iPhone 17 seriyasına olan güclü tələbat olub.

Hesabata görə, oktyabr ayında iPhone ölkədə satılan bütün smartfonların 25%-ni təşkil edib. Apple bu göstəriciyə sonuncu dəfə 2022-ci ildə — premium seqmentdə rəqabətin daha zəif olduğu dövrdə çatmışdı. Müqayisə üçün, bir il əvvəl şirkətin bazar payı cəmisi 19% idi.

Analitiklər bildirirlər ki, iPhone 17 seriyasının yaxşı qarşılanması, texnoloji yeniliklər və premium seqment müştəriləri arasında artan tələb Apple-ın Çin bazarında mövqeyini gücləndirib.