2025-ci ilin yanvar-sentyabr aylarında Azərbaycandan 3 ölkəyə – Əfqanıstan, Gürcüstan və Türkiyəyə – dəyəri 4,085 milyon ABŞ dolları olan 6,4 min ton “Aİ-92” markalı mühərrik benzini ixrac edilib.

Finss.az Dövlət Statistika Komitəsinin məlumatına əsasən xəbər verir ki, bu markalı benzin ötən ilin eyni dövründə xarici ölkələrə ixrac olunmayıb.

Hesabat dövründə ixrac həcmi belə olub:

• Əfqanıstan: 2,298 min ton, dəyəri 1,631 milyon ABŞ dolları
• Gürcüstan: 1,093 min ton, dəyəri 804 min ABŞ dolları
• Türkiyə: 3,065 min ton, dəyəri 1,650 milyon ABŞ dolları

Eyni dövrdə Azərbaycana 3 ölkədən dəyəri 64,396 milyon ABŞ dolları olan 83 min ton “Aİ-92” markalı mühərrik benzini idxal olunub. Bu göstərici ötən ilin eyni dövrü ilə müqayisədə:

• həcm baxımından 4,8 min ton və ya 5,4% azalma,
• dəyər baxımından isə 13,3 milyon ABŞ dolları və ya 17,1% azalma göstərib.

İdxalın mənbələri:

• Belarus: 14,497 min ton (12,611 milyon ABŞ dolları)
• Rusiya: 64,834 min ton (48,807 milyon ABŞ dolları)
• Rumıniya: 3,670 min ton (2,979 milyon ABŞ dolları)

2025-ci ilin yanvar-sentyabr aylarında Azərbaycanda 1,081 milyon ton avtomobil benzini istehsal edilib, bu da 2024-cü ilin eyni dövrü ilə müqayisədə 10,8 min ton və ya 1% artım deməkdir. Ölkədə oktyabrın 1-i vəziyyətinə hazır məhsul ehtiyatı 62,2 min ton təşkil edib.

Bildirilib ki, hesabat dövründə Azərbaycanda neft məhsullarının istehsalının ümumi dəyəri 4,047 milyard manat olub və bu, əvvəlki ilin müvafiq dövrü ilə müqayisədə 0,4% artım deməkdir.

Fuad Mədətov
Finss.az