Finss.az xəbər verir ki, Avropa İttifaqı ölkələrinin müdafiə xərclərinin 2024-cü ildəki ÜDM-in 1,5%-i səviyyəsindən 2027-ci ilə qədər 2%-ə qədər davamlı artacağı proqnozlaşdırılır. Bu barədə İqtisadi Məsələlər üzrə Avropa Komissarı Valdis Dombrovskis mətbuat konfransında bildirib.

Komissarın sözlərinə görə, hazırda proqnoz yalnız 31 oktyabr tarixinədək elan edilmiş müdafiə xərclərini əhatə edir. Buna görə də, üzv dövlətlərin milli investisiya planları və SAFE (Ümumi Müdafiə İnvestisiyaları - IF) proqramı çərçivəsində nəzərdə tutulan mümkün maliyyə dəstəyi hələ tam nəzərə alınmayıb.

“Bu planlar həyata keçirildikdən sonra Aİ-də müdafiə xərclərinin artmağa davam edəcəyini gözləyirik”, – deyə Valdis Dombrovskis əlavə edib.

Bu artım Avropa Birliyinin hərbi və təhlükəsizlik imkanlarının gücləndirilməsi, eyni zamanda strateji investisiyaların artırılması məqsədini güdür.