Finss.az xəbər verir ki, Avropa Komissiyası (AK) Rusiyanın enerji nəhəngi LUKOIL şirkətinin xarici aktivlərinin İsveçin “Gunvor” ticarət şirkətinə satılması ilə bağlı məsələnin nəticələrini qiymətləndirir.

Avropa Komissiyasının sözçüsü Olof Gill Brüsseldə keçirilən brifinqdə bildirib ki, qurum hazırda satışın mümkün nəticələrinin təhlil mərhələsindədir:

“Bu təklif olunan satışın nəticələrini tam anlamaq bizim marağımızdadır və bu nəticələrin nə ola biləcəyini müəyyən etmək üçün bütün Avropa İttifaqı üzv dövlətləri ilə əlaqə saxlayırıq. Əgər gələcəkdə əlavə addımlar atmaq lazım gələrsə, biz bunu nəzərdən keçirəcəyik,” – deyə AK rəsmisi qeyd edib.

Məlumata görə, Avropa Komissiyası bu qərarın enerji bazarına, ticarət əlaqələrinə və sanksiya siyasətinə mümkün təsirlərini də öyrənir. “Gunvor” şirkəti Avropanın aparıcı enerji ticarəti şirkətlərindən biri kimi, neft və qaz bazarlarında mühüm rola malikdir.

Ekspertlərin fikrincə, bu satış Avropa İttifaqının enerji təhlükəsizliyi strategiyasına, həmçinin Rusiyadan enerji asılılığını azaltmaq səylərinə birbaşa təsir göstərə bilər.