Finss.az xəbər verir ki, çərşənbə axşamı keçirilən ticarət sessiyasında neftin qiyməti təxminən 2% azalıb. Ötən həftə bazarlar Rusiyanın ən iri iki neft şirkətinə qarşı sanksiya xəbəri ilə kəskin reaksiya göstərsə də, treyderlər indi diqqətlərini təklifin qısamüddətli dəyişkənliyinə yönəldiblər.

TP ICAP analitiki Skott Şelton “The Wall Street Journal” nəşrinə bildirib ki, neft qiymətləri son günlərdə çox sürətlə yüksəlib və fiziki bazarda bu artımı əsaslandıracaq təklif və tələbat balansı formalaşmayıb. Onun sözlərinə görə, bazarda əhatə olunmayan çox sayda qısa mövqe olduğundan, indi təbiidir ki, geriləmə müşahidə olunur.

Londonun ICE Futures birjasında dekabr fyuçersləri üzrə Brent markalı neftin qiyməti Moskva vaxtı ilə saat 18:15-ə olan məlumata görə, 1,22 dollar (1,86%) azalaraq bir barel üçün 64,40 dollar təşkil edib.

Analitiklər qeyd edirlər ki, qlobal neft bazarında təklifin artması və tələb gözləntilərinin zəifləməsi qiymətlərin yaxın günlərdə 64–65 dollar diapazonunda stabilləşə biləcəyini göstərir.