Finss.az xəbər verir ki, neft qiymətləri ötən həftə kəskin artımdan sonra bazar ertəsi günortadan sonra aşağı düşüb.

London ICE Futures birjasında dekabr ayı üçün Brent fyuçersləri 0,44 dollar (0,67%) azalma ilə barel üçün 65,50 dollar səviyyəsinə düşüb. NYMEX birjasında isə dekabr ayı üçün WTI fyuçersləri 0,43 dollar (0,7%) azalma ilə barel üçün 61,07 dollar olub.

Qeyd edək ki, neft qiymətləri ötən həftə ABŞ-ın Rosneft və Lukoil şirkətlərinə qarşı sanksiyaları tətbiq etməsindən sonra iyun ayından bəri ən sürətli 8% artım göstərmişdi. Ekspertlər bazar hərəkətlərini izləyərək gələcək qiymət tendensiyalarının sanksiyaların təsirinə bağlı olacağını bildirirlər.