Finss.az xəbər verir ki, Etalon Development Group 2025-ci ilin üçüncü rübündə satışlarını illik müqayisədə 27% artıraraq 46,9 milyard rubla çatdırıb. Bu dövrdə satılmış daşınmaz əmlakın ümumi sahəsi 175,2 min kvadratmetr təşkil edib ki, bu da əvvəlki ilə nisbətən 11% artım deməkdir.

Şirkət bu artımı Moskva və Moskva vilayətində premium və biznes sinif mənzillərin satışında genişlənmə ilə əlaqələndirir. Moskva regionunda satışlar 70% artaraq 94,1 min kv.m, pul ifadəsində isə 72% artaraq 30 milyard rubl olub.

Əksinə, Sankt-Peterburqda satışlar 4% azalaraq 11,5 milyard rubl, sahə baxımından isə 9% azalma ilə 49,8 min kv.m olub. Digər bölgələrdə satış həcmi 33% azalaraq 31,3 min kv.m, satış dəyəri isə 29% azalma ilə 5,3 milyard rubl təşkil edib.

Bir kvadrat metrin orta qiyməti 14% artaraq 267 min rubla, yaşayış əmlakında isə 26% artaraq 368 min rubla çatıb. Rüb üzrə ipoteka satışlarının payı 30% təşkil edib.

Şirkət, həmçinin, 2025-ci ilin yanvar-sentyabr dövründə ümumi satışlarının 6% azalaraq 109,1 milyard rubl, satılan sahənin isə 13% azalaraq 470,9 min kvadratmetr olduğunu açıqlayıb.