Finss.az xəbər verir ki, American Express Co. (AmEx) 2025-ci ilin üçüncü rübündə (iyul-sentyabr ayları) güclü maliyyə nəticələri açıqlayıb. Şirkətin gəliri ötən ilin eyni dövrü ilə müqayisədə 11% artaraq rekord səviyyə olan 18,43 milyard dollara çatıb. 2024-cü ilin üçüncü rübündə bu rəqəm 16,64 milyard dollar idi.

Şirkətin xalis mənfəəti 2024-cü ilin analoji dövründəki 2,47 milyard dollardan bu il 2,87 milyard dollara yüksəlib.
Bu, illik müqayisədə 16% artım deməkdir.

Səhm başına qazanc (EPS) isə 3,49 dollardan 4,14 dollara yüksəlib. Bu da investorlar üçün müsbət siqnaldır və şirkətin maliyyə dayanıqlığını göstərir.

American Express, ABŞ-ın aparıcı maliyyə və plastik kart xidmətləri şirkətlərindən biridir. Bankçılıq, ödəniş sistemləri və kredit kartları sahəsində fəaliyyət göstərən şirkət, xüsusilə premium kart məhsulları və yüksək səviyyəli müştəri xidməti ilə tanınır.

Bu nəticələr istehlakçıların xərclərinin artması, səyyah xidmətlərinə olan tələbin yüksəlməsi və premium müştəri seqmentində güclü performans ilə əlaqələndirilir. Həmçinin, yüksək səhm gəliri və artan mənfəət, şirkətin rüblük dividendlərə və səhmdar dəyərinə də müsbət təsir göstərə bilər.