General Motors (GM) – ABŞ-ın ən böyük avtomobil istehsalçılarından biri – 2025-ci ilin üçüncü rübü üzrə 1,6 milyard dollarlıq birdəfəlik ödəniş (zərər) açıqlayıb. Bu addım, elektrikli avtomobil (EV) istehsalı ilə bağlı planlara düzəlişlərlə əlaqəlidir.

Şirkətin verdiyi rəsmi açıqlamaya görə, bu qərar ABŞ hökumətinin elektrikli avtomobil sektoruna dair siyasətində dəyişikliklər fonunda qəbul edilib. Xüsusilə, elektrikli avtomobil alıcıları üçün vergi güzəştlərinin ləğvi və emissiya tələblərinin yumşaldılması, bazarda EV-lərə olan marağın azalmasına səbəb olub.

“ABŞ-da son dövrlərdə qəbul olunan siyasət dəyişiklikləri elektrikli avtomobillərin mənimsənilmə sürətinə təsir göstərir. Buna görə planlarımızı daha realist bazar tələbinə uyğunlaşdırırıq,” – deyə GM bildirib.