Finss.az xəbər verir ki, aktivlərinə görə ABŞ-ın ən böyük bankı olan JPMorgan Chase Co., 2025-ci ilin üçüncü rübü üzrə xalis gəlirini 12%, ümumi gəlirini isə 9% artırıb.

Bankın yayımladığı press-relizə əsasən, iyul-sentyabr aylarında JPMorgan-ın xalis gəliri ötən ilin eyni dövründəki 12,9 milyard dollardan artaraq 14,39 milyard dollar təşkil edib. Səhm üzrə mənfəət isə 4,37 dollardan 5,07 dollara yüksəlib.

Rüblük gəlir də artım nümayiş etdirib — 2024-cü ilin eyni dövründə 42,65 milyard dollar olan gəlir, bu il 46,43 milyard dollara çatıb. Müqayisə üçün, FactSet sorğusuna qatılan analitiklər orta hesabla JPMorgan-ın xalis gəlirini 45,47 milyard dollar səviyyəsində proqnozlaşdırırdılar.

Bankın xalis faiz gəliri (NII) 2% artaraq 24,1 milyard dollara, qeyri-faiz gəlirləri isə 16% artaraq 23 milyard dollara çatıb. JPMorgan bu göstəricinin illik proqnozunu əvvəlki 95,5 milyard dollar səviyyəsindən 95,8 milyard dollara yüksəldib.

Kredit itkiləri üçün ehtiyat xərcləri bir qədər artaraq 3,4 milyard dollar təşkil edib (ötən il eyni dövrdə bu rəqəm 3,1 milyard dollar idi).

JPMorgan-ın pərakəndə bankçılıq bölməsi (CCB) də əhəmiyyətli artım nümayiş etdirib. Bu bölmənin xalis gəliri 24% artaraq 5 milyard dollar, ümumi gəliri isə 9% artaraq 19,47 milyard dollar olub.