Finss.az xəbər verir ki, dünyanın aparıcı sərinləşdirici içki istehsalçılarından biri olan PepsiCo, 2025-ci maliyyə ilinin üçüncü rübündə xalis mənfəətində 11% azalma qeydə almasına baxmayaraq, rəqəmlər bazar gözləntilərindən daha yaxşı nəticə verib.

2025-ci ilin sentyabrın 6-da başa çatan rüb ərzində şirkətin xalis mənfəəti 2,93 milyard dollar təşkil edib. Bu da bir səhmə düşən gəlirin 2,13 dollar olduğunu göstərir. Ötən ilin eyni dövründə isə bu göstərici 2,39 milyard dollar və ya bir səhm üçün 1,9 dollar idi.

Birdəfəlik amillər istisna olmaqla, tənzimlənmiş mənfəət bir səhmə görə 2,29 dollar təşkil edərək analitiklərin orta proqnozu olan 2,26 dolları üstələyib.

PepsiCo-nun rüblük gəlirləri isə 2,6% artaraq 23,94 milyard dollara yüksəlib. Bu göstərici də ekspertlərin 23,83 milyard dollarlıq proqnozunu qabaqlayıb.

Şirkət bildirib ki, artan istehsal xərcləri və dəyişkən bazar şəraiti mənfəətə təsir etsə də, məhsul portfelinin genişliyi və brend gücü sayəsində gözləntiləri üstələməyə nail olunub.