Finss.az xəbər verir ki, LG Electronics India tərəfindən təklif olunan ilkin kütləvi təklif (IPO) cümə axşamı uğurla başa çatıb və rekord göstəriciyə imza atıb. Birja məlumatlarına əsasən, IPO təklifi üçün 3,85 milyard səhm sifarişi daxil olub – bu da ilkin təklif ölçüsünü 54 dəfədən çox üstələyib.

Şirkətin IPO qiymət diapazonu 1080-1140 rupi olaraq müəyyən edilib. Reutersin məlumatına görə, təklifin yuxarı qiymət həddində ümumi tələb 4,43 trilyon rupi və ya təxminən 49,9 milyard ABŞ dolları təşkil edib.

Qeyd edək ki, IPO-nun ilkin təklif ölçüsü 71,3 milyon səhm idi və bu miqdar satışa çıxarıldıqdan bir neçə saat sonra tam sifariş edilib. Bu, Hindistan birja bazarında son dövrlərdə müşahidə olunan ən yüksək tələblərdən biri hesab olunur.