Finss.az xəbər verir ki, ABŞ əmək bazarındakı son dinamika ölkənin pul siyasətinin daha da yumşaldılmasına zəmin yaradır. Bu barədə Nyu-York Federal Ehtiyat Bankının prezidenti John Williams "The New York Times" nəşrinə açıqlamasında bildirib.

Williams qeyd edib ki, güclü məşğulluq artımı müşahidə olunsa da, şirkətlər işə götürmə məsələsində daha ehtiyatlı davranmağa başlayıblar. Bu da Federal Ehtiyat Sisteminin (Fed) əmək bazarına dəstək verməsi üçün şərait yaradır.

“Fed-in əmək bazarını dəstəkləmək üçün imkanları mövcuddur, çünki inflyasiya ilə bağlı proqnozlar əvvəlki qədər mənfi deyil,” – deyə John Williams vurğulayıb.

Fed-in bu yumşalma istiqamətində atacağı addımlar yaxın aylarda faiz dərəcələrinin azaldılması, likvidliyin artırılması və maliyyə bazarlarına daha çox dəstək verilməsi şəklində təzahür edə bilər.