Finss.az xəbər verir ki, ABŞ Enerji İnformasiya İdarəsi (EIA) 2025 və 2026-cı illər üzrə Henry Hub təbii qaz qiymətlərinə dair proqnozlarını aşağı salıb. Bu barədə qurumun aylıq enerji bazarı hesabatında məlumat verilir.

Yeni qiymətləndirməyə əsasən, 2025-ci ildə Henry Hub üzrə orta təbii qaz qiyməti 1 milyon Britaniya istilik vahidi (MMBtu) üçün 3,4 dollar səviyyəsində gözlənilir. Bu, əvvəlki 3,5 dollar/MmBtu proqnozundan təxminən 3% aşağıdır.

Bundan əlavə, 2026-cı il üçün qaz qiyməti proqnozu əvvəlki 4,3 dollar/MmBtu səviyyəsindən 3,9 dollar/MmBtu-ya qədər təxminən 8% azaldılıb. Hesabatda qeyd olunur ki, 2025-ci ilin sentyabr ayında Henry Hub qazının qiymətinin 3 dollar/MmBtu-dan 4,1 dollar/MmBtu-ya qədər yüksələcəyi, lakin bu artımın əvvəlki proqnozlardan 50 sent/MmBtu aşağı olacağı gözlənilir.

Proqnozların aşağı salınması əsasən ABŞ-da qaz hasilatının artması və yeraltı qaz anbarlarında gözləniləndən daha yüksək ehtiyat yığımı ilə əlaqələndirilir. EIA-nın məlumatına görə, 2025-ci ilin mart ayının sonuna qədər təbii qaz ehtiyatları son beş ilin ortalama göstəricisindən 8% artıq olacaq.

Qeyd edək ki, avqust ayında yeraltı anbarlara qaz inyeksiyası əvvəlki gözləntiləri üstələyərək bazar balansına təsir edən əsas amillərdən birinə çevrilib.