Finss.az xəbər verir ki, Verizon Communications şirkəti rəhbərliyində ciddi dəyişiklik edib. Şirkətin İdarə Heyəti PayPal Holdings Inc-in keçmiş başçısı Dan Schulman-ı yeni baş icraçı direktoru (CEO) vəzifəsinə təyin edib.

Dan Schulman, indiyədək CEO vəzifəsini icra edən Hans Vestberqi əvəz edəcək. Qərar rəsmi mətbuat açıqlaması ilə elan edilib və dərhal qüvvəyə minib.

Verizon-un keçmiş CEO-su Hans Vestberg 2026-cı ilə qədər şirkətin Direktorlar Şurasında üzv kimi qalacaq. Eyni zamanda o, oktyabrın 4-dək şirkət daxilində xüsusi məsləhətçi kimi fəaliyyətini davam etdirəcək və rəhbərliyin səmərəli şəkildə təhvil-təslimini təmin edəcək.

Yeni sədr: Mark Bertolini

Verizon-un İdarə Heyəti eyni zamanda Mark Bertolini-ni yeni İdarə Heyətinin sədri seçib. Bu dəyişikliklərlə şirkət daha çevik və texnologiya yönümlü idarəetmə strategiyasına keçid etməyi planlaşdırır.

Kimdir Dan Schulman?

Dan Schulman, rəqəmsal ödənişlər və texnoloji innovasiya sahəsində uğurlu təcrübəyə malikdir. O, PayPal-ın transformasiyasında əsas rol oynamış və şirkətin bazar dəyərini əhəmiyyətli dərəcədə artırmışdır. Verizon rəhbərliyində onun təyinatı, şirkətin 5G, rəqəmsallaşma və gələcək texnoloji inkişaflara fokuslanmasını gücləndirəcək.