Finss.az xəbər verir ki, Nestlé SA şirkətinin Direktorlar Şurasının sədri Paul Bulke vaxtından əvvəl istefa verəcək. Şirkətin press-relizində qeyd olunur ki, əvvəlcə onun 2026-cı ilin aprelində vəzifədən ayrılması planlaşdırılsa da, artıq 1 oktyabr 2025-ci ildən yerinə Pablo Islan təyin ediləcək.

Pablo Islan hazırda Bulke-nin müavini vəzifəsində çalışır və əvvəllər Zara brendinin sahibi olan Inditex şirkətinin baş direktoru olub.

Paul Bulke Nestlé-yə 1979-cu ildə qoşulub, 2008-2016-cı illərdə baş direktor, 2017-ci ildən isə şura sədri kimi fəaliyyət göstərib.

Nestlé dünyanın ən böyük qida və içki istehsalçısıdır, 188 ölkədə 2000-dən çox brendə sahibdir və təxminən 277.000 işçisi var.